15−16-oktyabr kunlari Olmaota (Qozog‘iston)da havaskorlik jamoalari o‘rtasida shaybali xokkey bo‘yicha ochiq chempionat bo‘lib o‘tdi. Unda Toshkentning “Binokor” jamoasi g‘olib bo‘ldi.
Havaskorlik chempionati kubogi uchun uchrashuvlarda olti jamoa: “Binokor"dan tashqari Olmaotaning “Berkut”, “Olimp”, “Skif” va “Yenbek”, shuningdek, “Kapchagay” (Kapchagay) qatnashdi.
“Binokor” dastlab “Kapchagay"ni 9:0 hisobiga mag‘lubiyatga uchratdi, so‘ngra “Yenbek” qarshiligini sindirdi — 4:2, finalda esa “Skif” 4:1 hisobiga mag‘lub etildi. O‘zbekiston jamoasi musobaqaning eng kuchli o‘yinchilaridan tuzilgan ramziy jamoasidan ham kuchliroq keldi va mazkur jamoa 6:4 hisobi bilan mag‘lub etildi.
