O‘zbekiston Respublikasi Prezidenti vazifasini bajaruvchi Shavkat Mirziyoyev Isroil Davlati rahbarlari — Prezident Reuven Rivlin va Bosh vazir Benyamin Netanyarhuga samimiy ta’ziya izhor etilgan maktublar yo‘lladi, deya xabar qildi O‘zbekiston TIV matbuot xizmati.

Shavkat Mirziyoyev o‘z maktubida Isroilning sobiq Prezidenti Shimon Peresning vafot etganligi munosabati bilan va marhumning oila a’zolari va yaqinlariga hamdardlik va dalda so‘zlarini bildirdi.