27 август куни Ангрен — Поп электрлаштирилган темир йўли орқали йўловчи поезди Тошкентдан Андижонга йўл олди. Бу ҳақда ЎзА хабар қилди.
Norma.uz маълумотларига кўра, мунтазам рейслар 29 августдан бошланади. Биринчи рейс Тошкентдан 6:40 да йўлга чиқиб, Андижонга 12:15 да етиб боради.
Эслатиб ўтамиз, 22 июнь куни Қамчиқ довони орқали электрлаштирилган темир йўлининг ишга туширилиши ва Туннелнинг очилиши бўлиб ўтган эди. Ишга туширилишга бағишланган тантанали маросимда эса Ўзбекистон Президенти Ислом Каримов ҳамда ХХР Раиси Си Цзиньпин иштирок этди.
